Twitch

Twitch er gagnvirk streymisveita þar sem notendur geta horft á og streymt (e. stream) efni í beinni útsendingu ásamt því að eiga í samskiptum við aðra notendur. Á Twitch er helst verið að streyma tölvuleikjum en einnig skapandi efni á borð við tónlist.

Svipað og Youtube nema myndböndin eru í beinu streymi
Stór partur af Twitch er spjallið sem er í gangi á meðan streymið lifir – þar spjalla þeir saman sem eru að horfa á streymið
Streymendur (e. streamers) eru oftast fullorðið fólk og efnið oft eftir því
Hægt er að heita fjárhæðum á þá sem eru að streyma
Einkaspjöll og skilaboð eru einnig í boði á Twitch

Hlutfall notenda á aldrinum 10-13 ára á Íslandi: 5%

Hlutfall notenda á aldrinum 14-16 ára á Íslandi: 17%

Aldurstakmark: 13++

3 staðreyndir um Twitch

Auðvelt að rekast á óviðeigandi efni

Þrátt fyrir að ið á Twitch sé 13+ er mikið af efni á miðlinum ætlað eldri ungmennum eða fullorðnum, bæði hvað varðar orðfæri, húmor og umræðuefni. Börn geta því auðveldlega rekist á efni sem hæfir ekki aldri þeirra, sérstaklega í beinum útsendingum.

Hægt að eiga bein samskipti í rauntíma

Stór hluti af Twitch-upplifuninni er spjallið en þar er geta notendur átt bein samskipti við þann sem streymir og það í rauntíma. Samskiptin sem eiga sér stað í spjallinu geta verið mjög hröð og eftirlitið með þeim lítið, sérstaklega á minni rásum.

Gjafir og áskriftir geta falið í sér kostnað

Notendur geta gerst áskrifendur að ákveðnum rásum, keypt stafræna mynt og sent streymurum einskonar gjafir (e. gifts). Þetta getur leitt til óvænts kostnaðar ef ekki er farið sérstaklega yfir greiðslu- og reikningsstillingar.

Vilt þú fá nýjustu fréttir og fræðsluefni?

Skráðu þig á póstlistann okkar